სკოლაში პირველი ნაბიჯები, პირველი სიხარული, პირველი განცდა... ეს გრძნობათა მცირე ჩამონათვალია, რაც სწავლის დაწყების დღეს პირველკლასელთა გულებში ტრიალებს. სწორედ ამიტომაც, უმნიშვნელოვანესია, თითოეულმა პატარა, სანამ ცოდნის ტაძარში შეაბიჯებს, ისე მოემზაოს, რომ სასკოლო ცხოვრებას ღირსეულად შეხვდეს. ამ მიზანს ემსახურება „ეტალონის“ პროექტების სულისჩამდგმელის, გოჩა ტყეშელაშვილის ავტორობით შედგენილი წიგნი-რვეული „პირველკლასელთა აკადემია“, რომელიც ამჯერად საგარეჯოს მუნიციპალიტეტის საბავშვო ბაღების მენეჯერებსა თუ აღმზრდელებს თავად ავტორმა წარუდგინა.

აღსანიშ„პირველკლასელთა აკადემია“ საგარეჯოს მუნიციპალიტეტის მერმა ავთანდილ გულიკაშვილმაც შეაფასა. მისი თქმით, გულდასმით გაეცნო სახელმძღვანელოს შინაარსს და ფიქრობს, რომ მუნიციპალიტეტის სკოლამდელი აღზრდის დაწესებულებებისთვის ის მნიშვნელოვან როლს შეასრულებს:

„ბატონმა გოჩა ტყეშელაშვილმა თავად წარმოგვიდგინა ეს ძალიან საინტერესო სახელმძღვანელო, მე უკვე მოვასწარი, გავეცანი დაწვრილებით და მინდა გითხრათ, რომ ძალიან მრავალფეროვანი და შინაარსობრივად გამორჩეულია, რომელიც აუცილებლად დაეხმარება ბავშვებს. ჩვენ გვქონდა გუშინ შეხვედრა და ვფიქრობ, რომ ჩვენი სკოლამდელი აღზრდის დაწესებულებები პრაქტიკაში გაითვალისიწინებენ ავტორის მოსაზრებებს. მე უკვე კომუნიკაცია მქონდა მათთან და ვიცი, რომ ძალიან დაინტერესდნენ. ეს მისასალმებელია, მუნიციპალიტეტის მერია აუცილებლად მხარს დაუჭერს ყველა მსგავს წამოწყებას, რაც ჩვენი მომავალი თაობებისთვის მნიშვნელოვანია“.ნავია ის, რომ მსგავსი შინაარსის წიგნი საქართველოში პირველად გამოიცა; აქედან გამომდინარე, „პირველკლასელთა აკადემია“ უნიკალური და უპრეცედენტოა. საგარეჯოს სკოლამდელი აღზრდის დაწესებულებათა გაერთიანების დირექტორმა, ელზა გილაშვილმა . „პირველკლასელთა აკადემიის“ მნიშვნელობის შესახებ ისაუბრა და იმაზეც გაამახვილა ყურადღება, რომ სახელმძღვანელო სკოლისთვის მოსამზადებელი ძალიან კარგი საშუალებაა:

„უკვე გავეცანი ამ ფრიად საინტერესო სახელმძღვანელოს, რომელიც ბატონმა გოჩამ საკუთარი ავტორობით შემოგვთავაზა და ასე ვთქვათ, სამაგიდო წიგნად მექცევა, ნამდვილად ამართლებს სახელწოდებას და ვფიქრობ, ძალიან გამოადგებათ არა მარტო აღმზრდელებსა და მასწავლებლებს, არამედ ოჯახებსა და მშობლებსაც. დარწმუნებული ვარ, ჩვენს მუნიციპალიტეტში აქტიურად დაინერგება ის ინოვაციები, რასაც წიგნი-რვეული გვთავაზობს. თამამად შემიძლია ვთქვა - სასკოლო მზაობისთვის მისი გამოყენება აუცილებელიც კია, რადგან არ ვართ ქართველი ავტორებისგან მსაგავსი დატვირთვის მქონე სახელმძღვანელოებით განებივრებული და ბატონი გოჩა ამ საკითხშიც პირველი აღმოჩნდა“.

არჩილ ჯაბადარმა, რომელიც საგარეჯოს მუნიციპალიტეტის მერიის განათლების, კულტურის, ძეგლთა დაცვის, სპორტისა და ახალგაზრდულ საქმეთა სამსახურის ხელმძღვანელია, აღნიშნა, რომ ყოველთვის უჭერს მხარს წამოწყებებს, რომელიც ბავშვებისთვის, ახალგაზრდებისთვის მნიშვნელოვანია და ასეთია „პირველკლასელთა აკადემიაც“, სახელმძღვანელო, რომლის შექმნითაც ბატონმა გოჩა ტყეშელაშვილმა უზარმაზარი სამუშაო გასწია:

„მიმაჩნია, რომ არაჩვეულებრივი სახელმძღვანელო შეადგინა გოჩა ტყეშელაშვილმა, ის ყველა მომავალი პირველკლასელის ოჯახს აუცილებლად უნდა ჰქონდეს სახლში, ის დაეხმარება არამარტო მშობლებს და მასწავლებლებს, ბავშვებსაც გაუადვილებს სირთულეებს, რომელიც სწავლის პროცესში ექმნებათ. განსაკუთრებით სასიხარულოა ის, რომ ბატონმა გოჩამ თავად წარგვიდგინა თავისი დიდი ხნის ნაფიქრი და ნაშრომი - ეს სახელმძღვანელო, რომელიც ყველა მომავალ პირველკლასელს დაეხმარება მომზადებულმა, მყარი ცოდნით შეაბიჯოს სკოლაში.დარწმუნებული ვარ, სამომავლოდაც კიდევ მოგვეცემა საშუალება, „პირველკლასელთა აკადემია“ ჩვენი შვილების განვითარებისა და განათლების აქტიურად გამოვიყენოთ და ამისთვის მადლობას ვუხდი ავტორს. გისურვებთ წარმატებებს და მუნიციპალიტეტი ყოველთვის ეცდება გვერდით დაუდგეს ასეთ წამოწყებებს“.