საგარეჯოს მუნიციპალიტეტის მერის, ავთანდილ გულიკაშვილის მხარდაჭერით, ქართული ფოლკლორის, როგორც ეროვნული იდენტობის საცავის და არამატერიალური კულტურული მემკვიდრეობის პოპულარიზაციის მიზნით, საგარეჯოს ცენტრალური ბიბლიოთეკის სამკითხველო დარბაზში, 2022 წლის საქართველოს ფოლკლორული ფესტივალის ლაურეატებთან: შალვა ოკინაშვილთან (ავტორ- მთქმელი) და ქალბატონ ლეილა არჩემაშვილთან (ზეპირსიტყვიერების შემკრები) საზეიმო შეხვედრა გაიმართა.

შეხვედრის მიზანი ხალხური შემოქმედების კუთხით თვალსაწიერის გახსნა და ქართული ხალხური ზეპირსიტყვიერების შენარჩუნება-გაცნობა იყო.

ღონისძიებას ბიბლიოთეკის მეგობართა საბჭოს ხემძღვანელი ლია ქურხული უძღვებოდა. ბიბლიოთეკის დარბაზში მხატვარ - თამარ იორამაშვილის ნამუშევრების გამოფენა მოეწყო.  ასევე, ემიგრანტი ქალბატონის თეა ქურხულის მიერ წარმოდგენილი იყო ხალხური რეწვის ნიმუშები.

ფოლკლორული ფესტივალის ლაურეატები მსმენელების წინაშე თავიანთი შემოქმედებით წარსდგნენ. მუნიციპალიტეტის მერმა- ავთანდილ გულიკაშვილმა და საკრებულოს თავმჯდომარემ - ალექსი გილაშვილმა პოეტებს სიტყვით მიმართეს და მადლობა გადაუხადეს მიღწეული წარმატებისა და ღირსეული ჯილდოსთვის. როგორც საგარეჯოს კულტურის ობიექტების გაერთიანების დირექტორმა- ბესიკ ღვინაშვილმა აღნიშნა, საქართველოს მწერალთა შემოქმედებითი კავშირის მიერ ფოლკლორული ფესტივალის ლაურეატებს ,,ქართული კულტურის ამაგდარის წოდება“ მიენიჭათ. სტუმრებს სიმბოლური საჩუქრები გადაეცა. ღონისძიება საგარეჯოს ცენტრალური ბიბლიოთეკის ორგანიზებით გაიმართა.