საგარეჯოს მუნიციპალიტეტის  მერის 2020 წელი,  10 თვის შემაჯამებელი ანგარიში

1. 2020 წლის ბიუჯეტის  ანგარიშის შესახებ

         საგარეჯოს მუნიციპალიტეტის 2020 წლის დაზუსტებული ბიუჯეტი  მე-5 ცვლილების შესაბამისად განისაზღვრა 26 503,400   ლარით, დამტკიცებულ ბიუჯეტთან 14 539,500 ლართან შედარებით გაიზარდა 11 963,900  ლარით ანუ 82%-ით, ხოლო 2019 წლის დაზუსტებულ ბიუჯეტთან 22 901,300 ლართან შედარებით  3 602,100  ლარით  ანუ 16 %-ით.

    საგარეჯოს მუნიციპალიტეტის ბიუჯეტში  განხორციელდა შემდეგი ცვლილებები: სახელმწიფო ბიუჯეტის ფონდებიდან საგარეჯოს მუნიციპალიტეტს გამოეყო 9 335 ათასი ლარი, მ.შ.: 1) 2020 წელს საქართველოს რეგიონებში განსახორციელებელი პროექტების ფონდიდან  6 907,300  ლარი,  აქედან 4 299,600  ლარი გათვალისწინებულია საგზაო ინფრასტრუქტურის განვითარებაზე; 1 612,500  ლარი წყლის სისტემების რეაბილიტაციაზე; 130,200  ლარი საზოგადოებრივი სივრცეების მოწყობა-რეაბილიტაცია, ექსპლოატაციაზე; 631,800  ლარი სკოლამდელი დაწესებულებების რეაბილიტაცია-მშენებლობაზე; 233,200 ლარი სპორტული ობიექტების აღჭურვა, რეაბილიტაცია, მშენებლობაზე; 2) სოფლის მხარდაჭერის პროგრამის ფარგლებში  658 ათასი ლარი; 3) ხელშეკრულების საფუძველზე დელეგირების შესახებ  მიზნობრივი ტრანსფერი  872,100   ლარი, აქედან საჯარო სკოლების მცირე სარეაბილიტაციო სამუშაოებისათვის გათვალისწინებულია 730 ათასი ლარი, ხოლო მოსწავლეთა ტრანსპორტით უზრუნველყოფისთვის 142,100  ლარი; 4) 2020-2022 წლების საპილოტე რეგიონების ინტეგრირებული განვითარების პროგრამის ფარგლებში შერჩეული პროექტის, სოფელ მანავში მანავის ციხესთან მისასვლელი საავტომობილო გზის მოწყობისათვის   დასაფინანსებლად 897,600   ლარი. წინა წლის ნაშთიდან  დაემატა  3 398,700  ლარი,  კორონავირუსის პანდემიით  გამოწვეული საგადასახადო შემოსავლების პროგნოზებისა და მუნიციპალიტეტის შემოსულობების სხვა წყაროების მოსალოდნელი შემცირების  გათვალისწინებით განხორციელდა ბიუჯეტის კორექტირება და შემცირდა 769,800 ლარით.  

    მიმდინარე წლის 18 ნოემბრისთვის ბიუჯეტის შემოსულობებმა სულ შეადგინა 18 379,300  ლარი, აქედან შემოსავლების სახით შემოსულია 18 092,900  ლარი, მ.შ.: 1) გადასახდები შემოვიდა 10 173 ათასი ლარი, ეს არის ქონების გადასახადი 2 576,800  ლარი და დამატებული ღირებულების გადასახადი   7 596,200 ლარი; 2) გრანტების სახით მიღებულია 6 697,900  ლარი, მათ შორის: მიზნობრივი ტრანსფერი დელეგირებული უფლებამოსილების განსახორციელებლად შემოვიდა 343,400  ლარი, კაპიტალური ტრანსფერის სახით მივიღეთ 6 354,500  ლარი;  3) სხვა შემოსავლების სახით შემოსულია       1 222 ათასი ლარი;    არაფინანსური აქტივების კლებიდან შემოსულია 286,400   ლარი.     საგასავლო ნაწილი შეადგენს 16 737,200  ლარს, მათ შორის დაფინანსებულია მმართველობა და საერთო დანიშნულების ხარჯები  2 589,400  ლარით;      ინფრასტრუქტურის განვითარება  7 837,600  ლარით;  დასუფთავება და გარემოს დაცვა 999,100  ლარით; განათლება 2 559,700 ლარით; კულტურა, ახალგაზრდობა და სპორტი 1 312,800   ლარით,  ჯანმრთელობისა დაცვა და სოციალური უზრუნველყოფა  1 438,600  ლარით; სარეზერვო ფონდიდან გამოყოფილია 288,500  ლარი.

2. საგარეჯოს მუნიციპალიტეტის მერიის ჯანდაცვისა და სოციალური სამსახურის ანგარიში

1.მაღალმთიანი სტატუსის და სხვა დასახლებაში მუდმივად მცხოვრები სოც დაუცველი  I-II  ახალდაბადებული ბავშვიანი  ოჯახების დასახმარებლად გაიცა ფულადი დახმარება -3900 ლარი, ისარგებლა 13 ოჯახმა.

2. სოციაურად დაუცველი მრავალშვილაინი ოჯახების დასახმარებლად გაიცა ფულადი დახმარება  39600 ლარი, ისარგებლა 99 ოჯახმა.

3.  მარტოხელა მშობლის სტატუსის მქონე პირების დასახმარებით გაიცა 3400 ლარი, ისარგებლა 17 ოჯახმა.

4. სოციაურად დაუცველი, შშმ სტატუსის მქონე, ვეტერანი, დევნილი პირების სამედიცინო მომსახურების დასაფინანსებლად გაიცა ფულადი დახმარება  217 242.38 ლარი, ისარგებლა 590 პირმა.

5.  სოციალურად დაუცველი, შშმ.პირთა,  ონკოლოგიური პაციენტების პროთეზის ან სხვა დამხმარე სამედიცინო საშუალებების  დასაფინანსებლად გაიცა 3997.79 ლარი, ისარგებლა 12 პირმა.

6. შეზღუდული შესაძლებლობის მქონე პირთა და დაუნის სინდრომის და აუტისტური სპექტრის აშლილობის მქონე 18 წლამდე ასაკის ბავშვთა რეაბილიტაციის დასაფინანსებლად გაიცა 7185 ლარი, ისარგებლა 21 პირმა.

7. ონკოლოგიური ავადმყოფების სამედიცინო დახმარება და ონკოლოგიური დაავადების მქონე პაციენტების ქიმიოთერაპიის, ჰორმონოთერაპიის და ამ მკურნალობის შედეგად განვითარებული დაავადებების მკურნალობა, ასევე, სხვა სიმსივნური დაავადების მქონე პირებს სამედიცინო დახმარების დასაფინანსებლად გაიცა 132 420,34 ლარი, ისარგებლა 481 პირმა.

8. სოციალურად დაუცველი, შშმ პირთა, ვეტერანთა, ეპილეფსიით დაავადებულთა და ონკოლოგიურ პაციენტების   მედიკამენტების დასაფინანსებლად გაიცა 108 006.77 ლარი, ისარგებლა 481 ლარი.

9. ფენილკეტონურიით ან სხვა იშვაითი დაავადების მქონე პირთა მედიკამენტებით და

სპეციალიზირებული საკვები დანამატების დასაფინანსებლად გაიცა 500 ლარი, ისარგებლა 1 ოჯახმა.

10. კრიზისულ მდგომარეობაში მყოფი და სოციალურად დაუცველი ოჯახების

ერთ წლამდე ასაკის ბავშვთა კვების დასაფინანსებლად გაიცა 800 ლარი, ისარგებლა 8 ოჯახმა.

11. შეზღუდული შესაძლებლობის მქონე 18 წლამდე ბავშვთა ოჯახების დასახმარებლად გაიცა 32 500  ლარი, ისარგებლა 75 ოჯახმა.

12. უდედმამო 18 წლამდე ბავშვთა დასახმარებლად გაიცა 2600 ლარი, ისარგებლა 3 ოჯახმა.

13. უპატრონო, სოციალურად დაუცველი, ლტოლვილი  გარდაცვლილი  პირის დაკრძალვის სარიტუალო ხარჯების დასაფინანსებლად გაიცა 6000 ლარი, ისარგებლა 20 პირმა.

14. საქართველოს ერთიანობისთვის ბრძოლაში მონაწილე ვეტერანთა დაკრძალვის სარტუალო ხარჯების დასაფინანსებლად გაიცა 900 ლარი, ისარგებლა 3 ოჯახმა.

15. საქართველოს ტერიტორიული მთლიანობისა და დამოუკიდებლობისათვის საბრძოლო მოქმედებებში დაღუპულთა ოჯახის დასახმარებალად გაიცა 1000 ლარი.  ისარგებლა 2 ოჯახმა.

16. დიდი სამამულო ომის ვეტერანების სარიტუალო ხარჯებით დასახმრებლად გაიცა 750 ლარი, ისარგებლა 3 ოჯახმა.

17. ა(ა)იპ „საგარეჯოს მუნიციპალიტეტის „სათნოების სახლის“ უფასო სასადილოების დასაფინანსებლად გაიცა 136 742 ლარი. ისარგებლა 220 ბენეფიციარმა.

18.სოციალურად დაუცველი ოჯახებისთვის მოხმარებული ელექტოენერგიის ან გაზის ღირებულების დასაფინანსებლად გაიცა 27 205 ლარი, ისარგებლა 385 ოჯახმა.

19. სოციალურად დაუცველ მრავალშვილიან, სოციალურად დაუცველ დედით ან მამით ობოლ,სოციალურად დაუცველ მარტოხელა მშობლის სტატუსის მქონე შვილთა და შეზღუდული შესაძლებლობის სტატუსის მქონე სტუდნეტებისთვის, ასევე სტუდენტებისთვის რომელთაც ჰყავთ შეზღუდული შესაძლებლობის სტატუსის მქონე მშობელი ან მშობლები და ოჯახი რეგისტრირებული სოციალურად დაუცველთა ერთიან ბაზაში უმაღლეს საგამანათლებლო სასწავლებელში სწავლის

საფასურის დასაფინანსებლად გაიცა 5 495 ლარი, ისარგებლა 6 პირმა.

20. სოციალურად დაუცველი ოჯახების გათბობის ხარჯის დასაფინანსებლად გაიცა  ხანდაზმული პირებს დასახმარებად გაიცა 49 500  ლარი, ისარგებლა 980 ოჯახმა.

22. ჰემო-დიალიზზე მყოფ მოქალაქეთა სოციალური დაცვის დასაფინანსებლად გაიცა 27 600 ლარი, ისარგებლა 75 პირმა.

23.ბინის ქირის უზრუნველყოფის დასაფინანსებლად გაიცა 20 638 ლარი, ისარგებლა 23 ოჯახმა.

24. სოფელი უდაბნოდან და სოფელ სათაფლიდან  ქალაქ საგარეჯოში სოციალურად დაუცველი მოსახლეობის ტრანსპორტირების დასაფინანსებლად გაიცა 20 638 ლარი, ისარგებლა 23 ოჯახმა.

25. სოციალურად დაუცველი ოჯახებისთვის საშობაო- სააღდგომო და კოვიდ პანდემიის გამო  საგანგებო მდგომარეობის გამოცხადების დროს ამანათების დასაფინანსებლად გაიცა 64 590.53 ლარი, ისარგებლა 2000 ოჯახმა.

3. ინფრასტრურის, სივრცითი მოწყობის, მშენებლობისა და არქიტექტურის სამსახური

ინფრასტრუქტურული პროექტები 2020

ადგილობრვი ბიუჯეტი

სოფლის პროგრამები

სკოლები

სკოლამდელი აღზრდის დაწესებულებები

PIRDP

4. განათლების, კულტურის, ძეგლთა დაცვის, სპორტის და ახალგაზრდულ საქმეთა სამსახური

2020 წლის დამტკიცებული ბიუჯეტი ახალგაზრდული ღონისძიებების კუთხით - 29600 ლარი

აღნიშნული თანხა შემცირდა 15000 ლარით;  წლის განმავლობაში დასახარჯი თანხა - 14600 ლარი;

ტრანსპორტირების ხარჯი - 5000 ლარი.

განხორციელდა 9 ღონისძიება; 31 დეკემბრამდე განხორციელდება კიდევ 4;

შენიშვნა: მიმდინარე წელს, ქვეყანაში, კორონა ვირუსის გავრცელების გამო შექმნილი სიტუაციიდან გამომდინარე, მასობრივი ღონისძიებების ჩატარების შეზღუდვის გამო, სამსახურის მიერ სრულად ვერ განხორციელდა სამუშაო გეგმით გათვალისწინებული და პროგრამული ბიუჯეტით დამტკიცებული ახალგაზრდული ღონისძიებები.

მიმდინარე წლის ნოემბრის თვის მონაცემებით, ახალგაზრდული ღონისძიებების განსახორციელებლად დარჩენილია 10 937,88 (ათი ათას ცხრაას ოცდაჩვიდმეტი ლარი და 88 თეთრი) ლარი, აღნიშნული თანხა წლის ბოლომდე გაიხარჯება შემდეგ აქტივობებში:

1. მუნიციპალიტეტში მცხოვრები წარმატებული ახალგაზრდების და სამსახურის ერთობლივი პროექტი - „ეფექტური საჯარო გამოსვლები“, შეზღუდვების არარსებობის შემთხვევაში ჩატარდება 30 ახალგაზრდის მონაწილეობით, დაბა ბაკურიანში, მოწვეული ტრენერის მეშვეობით.

ბიუჯეტი - 5900 (ხუთი ათას ცხრაასი) ლარი;

2. ლიტერატურული კონკურის „ნატვრის ხე“ - ფულადი ჯილდო - 300 ლარი;
3. ლიტერატურული კონკურსი „მირანდუხტი“ - ფულადი ჯილდო 300 ლარი;
4. დარჩენილი თანხით შეძენილ იქნება საახალწლო  სათამაშოები, საჩუქრად ბავშვებისთვის სოციალურად დაუცველი მრავალშვილიანი ოჯახებიდან.

განათლების კუთხით

ღონისძიებების ბიუჯეტი წლის დასაწყისში: 5 200 ლარი;  შემცირდა: 3 800 ლარით

     საგარეჯოს მუნიციპალიტეტში ფუნქციონირებს სკოლამდელი აღზრდის 29 დაწესებულება და სკოლამდელი აღზრდის დაწესებულების ლამბალოს 2 ალტერნატიული  ჯგუფი, სულ: 64

სასწავლო-სააღმზრდელო ჯგუფი. სკოლამდელ აღზრდის დაწესებულებებში

რეგისტრირებულია 1400 აღსაზრდელი. სულ გაერთიანებას ემსახურება 351 თანამშრომელი

შტატით და 13 ხელშეკრულებით.

ეთნიკური უმცირესობებისათვის ფუნქციონირებს სოფ. დუზაგრამის სკოლამდელი აღზრდის დაწესებულება და ლამბალოს 2 სკოლამდელი აღზრდის ალტერნატიული ჯგუფი.

საჯარო სკოლებს ვეხმარებით  სხვადასხვა საკითხებში (ერთობლივი ღონისძიებების ორგანიზება, მოსწავლეთა ექსკურსიების ტრანსპორტირების უზრუნველყოფა მუნიციპალიტეტის ფარგლებს გარეთ);

. საქართველოს ეროვნულ ინტელექტ–ჩემპიონატში ,,ეტალონი“, კონკურსში გამარჯვებულ მოსწავლეს ლუკა კოტორაშვილს და ჩემპიონატის აქტიურ მონაწილეს ტატო სულიკაშვილს, დაენიშნათ სტიპენდია თვეში 100 ლარი, წამახალისებელი ჯილდოს სახით, ერთი წლის განმავლობაში, მიმდინარე წლის იანვრიდან.

შენიშვნა: დაგეგმილიდან განხორციელდა მხოლოდ მედია-პროექტ „ეტალონში“ გამარჯვებული მოსწავლეების 1 წლის განმავლობაში სტიპენდიით უზრუნველყოფის ღონისძიებები: პატარძეულის საჯარო სკოლის XI კლასის მოსწავლე ლუკა კოტორაშვილის და საგარეჯოს N3 საჯარო სკოლის XI კლასის  მოსწავლე ტატო სულიკაშვილის (შშმ პირი, „ეტალონში“ აქტიური მონაწილეობისთვის).

კულტურა და ძეგლთა დაცვა

წლის განმავლობაში განხორციელდა 11 ღონისძიება

• ძველით ახალი წლის კონცერტი -1282.10 (ერთი ათას ორას ოთხმოცდაორი ლარი, 10 თეთრი)  ლარი;
• შპს „ახალი თაობის“ (დირექტორი: მალხაზ მელქუაშვილი) მუსიკალური კონკურსის პროექტის დაფინანსება - 2500 (ორი ათას ხუთასი) ლარი;
• ახმეტაში გულშემატკივართა ტრანსპორტირება 2 მიკროავტობუსით, კონკურსის „ახალი თაობა“ ფინალურ კონცერტზე, 20 იანვარს - 528 (ხუთას ოცდარვა) ლარი;
• ილია ჭავჭავაძის საქველმოქმედო ფონდის მიერ, 5 თებერვალს, სოფ. უდაბნოს საჯარო სკოლაში ჩატარდა წიგნის კითხვის მსოფლიო დღისადმი მიძღვნილი ღონისძიება. 
• განხორციელდა გიორგი ლეონიძის დაბადებიდან 120 წლისთავისადმი მიძღვნილი ჩანაწერების დაფინანსება. ჩანაწერების ჩვენება მიმდინარეობდა  საბავშვო ტელევიზია „ენკი-ბენკის“ ეთერში, მიმდინარე წლის 10 თებერვლიდან ერთი თვის განმავლობაში. სატელევიზიო მომსახურების ღირებულება შეადგენდა 1845 (ერთი ათას რვაას ორმოცდახუთი) ლარს.
• ფულადი ჯილდო 1000 (ათასი) ლარი, საბავშვო მუსიკალური პროექტის ,,რანინა“ გამარჯვებულს, სოფ. პატარა ჩაილურის საჯარო სკოლის მე-7 კლასის მოსწავლე გიორგი როსტიაშვილს, რომელიც წარადგენდა საქართველოს საბავშვო ევროვიზიაზე პოლონეთში, „გლივიცა არენაზე“ 2019 წლის 24 ნოემბერს და დაიკავა მე-14 ადგილი.
• 12 აგვისტოს, „დიდგორობის“ სახალხო დღესასწაულზე, ა(ა)იპ კულტურის ობიექტების გაერთიანების ანსამბლების ტრანსპორტირების უზრუნველყოფა, 3 სატრანპორტო საშუალებით; ხარჯი: 756 (შვიდას ორმოცდათექვსმეტი) ლარი;
• სოფ. პატარძეულში, ბილანიშვილების საგვარეულო ე.წ. ,,ბუტულაანთ“ ციხესა და სოფ. ნინოწმინდის სამონასტრო კომპლექსის გალავნის კოშკებზე, მორღვეული ქვის ფენების მოსახსნელად შესრულებული სამუშაოების ღირებულებამ შეადგინა 3780 (სამი ათას შვიდას ოთხმოცი) ლარი;

შენიშვნა:   2020 წლის ბიუჯეტი წლის დასაწყისში: 141 700;  შემცირდა წლის განმავლობაში, კულტურის ობიექტების აღჭურვის კუთხით: 43 000-ით,  (დარჩა 14 000);

კულტურული ღონისძიებები - 60 000 ლარით, (გადავიდა სარეზერვო ფონდში, პანდემიასთან დაკავშირებით გასატარებელი ღონისძიებებისთვის)

                                                           სპორტული ღონისძიებები

ბიუჯეტი წლის დასაწყისში: 39 000 ლარი;

მათ შორის, ტრანსპორტირება: 11000 ლარი;

დახარჯულია: 9540 ლარი;

დარჩენილია: 1460 ლარი;

განხორციელდა 15 ღონისძიება.

5. პირველადი სტრუქტურული ერთეულის ეკონომიკური განვითარებისა და ქონების მართვის სამსახური

    საგარეჯოს მუნიციპალიტეტის ეკონომიკური განვითარებისა და ქონების მართვის სამსახური შედგება მეორადი სტრუქტურული ერთეულების, განყოფილებებისგან, ესენია:  ქონების მართვის  და  ტურიზმის განვითარების, საგარეო ურთიერთობებისა და საერთაშორისო პროექტების განყოფილება. სამსახური ხელმძღვანელობს „საქართველოს კონსტიტუციით“, საქართველოს ორგანული კანონით „ადგილობრივი თვითმმართველობის კოდექსი“, „საჯარო სამსახურის შესახებ“ საქართველოს კანონით, საგარეჯოს მუნიციპალიტეტის მერიის დებულებით, საქართველოში მოქმედი კანონმდებლობით და სხვა კანონქვემდებარე ნორმატიული აქტებით.

    წარმოგიდგენთ სამსახურში შემავალი მეორადი სტრუქტურული ერთეულების  2020 წლის 10 (ათი) თვის ანგარიშს ცალ-ცალკე:

• მართვის განყოფილება

      საგარეჯოს მუნიციპალიტეტის მერიის ეკონომიკური განვითარებისა და ქონების მართვის სამსახურის მეორადი სტრუქტურული ერთეული, ქონების მართვის განყოფილება  ამზადებს წინადადებებს, დასკვნებს და რეკომენდაციებს მუნიციპალური ქონებით სარგებლობისა და განკარგვის საკითხებზე, უზრუნველყოფს მუნიციპალიტეტის საკუთრებაში ან სარგებლობაში არსებული უძრავი/მოძრავი ქონების აღრიცხვას, ინვენტარიზაციას, მუნიციპალური ქონების მონაცემთა ბაზის შექმნას, განახლებას, მუნიციპალიტეტის საკუთრებაში არსებული ქონების რეგისტრაციას, ამზადებს დოკუმენტაციას სახელმწიფო საკუთრებაში არსებული ქონების მუნიციპალიტეტის საკუთრებაში გადმოცემასთან დაკავშირებით.  ამასთან დაკავშირებით განყოფილება აგზავნის მიმართვებს სახელმწიფო ქონების ეროვნულ სააგენტოსთან, გარემოს დაცვის და სოფლის მეურნეობის სამინისტროსთან, იუსტიციის სამინისტროსთან, სახელმწიფო რწმუნებულის გუბერნატორის ადმინისტრაციასთან, სსიპ ეროვნულ სატყეო სააგენტოსთან და სხვა სახელმწიფო ორგანოებთან. განყოფილება აქტიურად პასუხობს ჩვენი მუნიციპალიტეტის მოქალაქეების განცხადებებს პირდაპირ და დისტანციურ რეჟიმში.

    2020 წელს მუნიციპალიტეტის საკუთრებად დარეგისტრირდა მუნიციპალიტეტის ტერიტორიაზე მდებარე დაურეგისტრირებელი საბავშვო ბაღები და ადმინისტრაციული შენობა-ნაგებობები.  საანგარიშო პერიოდში ქონების მართვის განყოფილების მიერ გამოიცა 68 (სამოცდარვა) ინდივიდუალურ-ადმინისტრაციული-სამართლებრივი აქტი: ელექტრონული აუქციონის გამოცხადების შესახებ, ქონების მუნიციპალიტეტის საკუთრებად დარეგისტრირების შესახებ,  საკუთრების უფლების წარმოშობის შესახებ, მოიჯარის შეცვლის შესახებ და სხვა.

    2020 წელს განყოფილებამ განახორციელა მუნიციპალიტეტის ტერიტორიაზე მდებარე დაურეგისტრირებელი მიწების იდენტიფიცირება, იდენტიფიცირების შემდეგ, მერიის დაკვეთით მომზადდა  საკადასტრო აგეგმვითი/აზომვითი ნახაზები და საგარეჯოს მუნიციპალიტეტის საკუთრებად 2020 წელს დარეგისტრირდა 225 ჰა-ზე მეტი სასოფლო-სამეურნეო დანიშნულების მიწის ნაკვეთი. მომზადებულია შესაბამისი დოკუმენტაცია და წლის ბოლომდე დარეგისტრირდება კიდევ 60 ჰა-მდე სასოფლო-სამეურნეო დანიშნულების მიწის ნაკვეთი.

     ქონების მართვის განყოფილება აქტიურად თანამშრომლობს ლევან სამხარაულის სახელობის სასამართლო  ექპერტიზის ეროვნულ ბიუროსთან და დამოუკიდებელ აუდიტორულ კომპანიებთან (35 მოთხოვნა ქონების შეფასების შესახებ), მათ მიერ  ქონების შეფასების შემდეგ სააუქციონედ მომზადდა მუნიციპალიტეტის საკუთრებად რეგისტრირებული უძრავი ქონება (სასოფლო-სამეურნეო  და არასასოფლო სამეურნეო დანიშნულების მიწის ნაკვეთები, შენობ-ნაგებობები). 2020 წელს, ჩვენს მიერ სსიპ სახელმწიფო ქონების ეროვნული სააგენტოს ვებ გვერდზე “eauqtion.ge” გამოცხადდა 18 (თვრამეტი) ელექტრონული (პირობებიანი და უპირობო) აუქციონი, იჯარით გაიცა და გასხვისდა მუნიციპალიტეტის საკუთრებაში არსებული ქონება. გაფორმდა სხვადასხვა სახის ხელშეკრულებები (იჯარა, უზუფრუქტი, თხოვება). 

    ქონების მართვის განყოფილებამ მუნიციპალიტეტის საკრებულოს მიმართა (10 მიმართვა) საგარეჯოს მუნიციპალიტეტის ქონების საპრივატიზაციო ობიექტების ნუსხის და გეგმის დამტკიცების შესახებ. მიმართა სახელმწიფო ორგანოებისათვის, საჯარო სამართლის იურიდიულ პირებისათვის, მის მიერ დაფუძნებული არასამეწარმეო (არაკომერციულ) იურიდიულ პირებისათვის და სხვა ა.(ა)ი.პ-სათვის, შპს-ებისათვის ქონების პირდაპირი განკარგვის წესით დასარგებლობის ფორმით გადაცემაზე თანხმობის მიცემის შესახებ   (უსასყიდლო უზუფრუქტი, თხოვების ფორმა).

   სსიპ საჯარო რეესტრის ეროვნული სააგენტოდან ქონების მართვის განყოფილებას 2020 წელს საქართველოს კანონის „მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ ფარგლებში გადმოეგზავნა დაახლოებით 4000 წერილი. რადგან სოფლის მეურნეობა წარმოადგენს მუნიციპალიტეტის ტერიტორიაზე მცხოვრები მოსახლეობის დიდი ნაწილისთვის  შემოსავლის ძირითად წყაროს და მათთვის სასიცოცხლოდ მნიშვნელოვანია მიწის საკუთრებად რეგისტრაცია, ქონების მართვის განყოფილებას პანდემიის პირობებშიც არ შეუწყვეტია  საჭირო დოკუმენტაციის მოძიება, ადმინისტრაციულ ერთეულებში მერის წარმომადგენლებთან ურთიერთობა, ადგილზე საკითხის შესწავლა და გადაწყვეტილებების მიღება. ამის შემდეგ მზადდებოდა და მზადდება შესაბამისი დოკუმენტაცია  საჯარო რეესტრის ეროვნულ სააგენტოში წარსადგენად, სადაც საბოლოოდ სრულდება რეგისტრაციის პროცესი.

ტურიზმის განვითარების, საგარეო ურთიერთობების და საერთაშორისო პროექტების განყოფილება

       ტურიზმის პოლიტიკის ძირითადი პრინციპი არის ის, რომ მან უნდა უზრუნველყოს, მუნიციპალიტეტმა მიიღოს, რაც შეიძლება
მაქსიმალური სარგებელი ტურიზმის ეკონომიკური და სოციალური
შემოსავლებიდან. ტურიზმის პოლიტიკის საბოლოო მიზანი არის სახელმწიფოს
პროგრესის გაუმჯობესება და თავისი მოქალაქეების ცხოვრების დონის
გაუმჯობესება.

   ადგილობრივი ეკონომიკური განვითარების გეგმის ფარგლებში, ადგილობრივი ბიზნესის განვითარებისა და ტურიზმის ხელშეწყობის მიზნით, საგარეჯოში, როგორც ტურისტული პოტენციალის მქონე მუნიციპალიტეტში, კულტურული მემკვიდრეობის ძეგლებისა და სხვა

კულტურული მნიშვნელობის აქტივების შენარჩუნებისა და პოპულარიზაციისთვის, მიმდინარე წელს დაიწყო მანავის ციხესთან მისასვლელი გზის მოწყობა, რომელიც ფინანსდება, როგორც ადგილობრივი ბიუჯეტიდან, ისე საგრანტო თანხით. პროექტის საშუალებით მოხდება უკვე არსებული ბიზნეს სუბიექტების საქმიანობის სფეროს გაფართოება. გაიზრდება ქალბატონების ფუნქცია და როლი-ტრადიციული ქართული კერძებისა და რეწვის ნიმუშების პრეზენტაციისა და რეალიზაციის თვალსაზრისით. პროექტის მიზანია, ხელი შეუწყოს მცირე მასშტაბის ინფრასტრუქტურის განვითარებას, ახალი ბიზნეს საქმიანობების ჩამოსაყალიბებლად, მათ შორის, ტურისტული პროდუქტებისა და შედეგად, ადგილობრივი მოსახლეობის ცხოვრების დონის გაუმჯობესებას.

მიმდინარე წელს,  სოციალურ სივრცეში შეიქმნა ოფიციალური გვერდი-Tourism/Sagarejo, სადაც მუდმივად თავსდება სიახლეები საგარეჯოს მუნიციპალიტეტის მასშტაბით არსებული ტურისტულ ობიექტებზე და ოფიციალური წყაროებიდან მიღებული საინფორმაციო მასალები ეკონომიკისა და ტურიზმის სფეროში მიმდინარე სიახლეების შესახებ.

ყოველი კვარტლის ბოლოს,  განყოფილების თანამშრომელთა მიერ ხდება ტურისტული ობიექტების შესახებ ინფორმაციის მოძიება და შემდეგ განთავსება ერთიან მონაცემთა ელექტრონულ ბაზაში.

მიმდინარე წელს, DMO „ვიზით კახეთის“ მიერ მომზადდა კახეთის ღვინის გზის საინფორმაციო რუკა, რომელიც დახმარებას გაუწევს, როგორც ადგილობრივი ღვინის ტურიზმით დაინტერესებულ პირებს, ასევე ინფორმაციას მიაწვდის უცხოელ ტურისტებს კახეთში არსებული ღვინის საწარმოებისა და მარნების შესახებ. აღნიშნულ რუკაზე, საგარეჯოს მუნიციპალიტეტში არსებული ყველა საწარმოსა და ღვინის მარნის შესახებ განთავსდა ინფორმაცია.

    აქტიურად ვახორციელებთ, ტურიზმის საკითხებზე ოფიციალურად შემოსულ წერილებზე შესაბამისი პასუხის მომზადებას. პერიოდულად ხდება კვალიფიკაციის ასამაღლებელი ტრენინგ-კურსების შემოთავაზება და შესაბამისად ვუზრუნველვყობთ დასწრებას.

 მიმდინარე წლის 24 სექტემბერს, ევროკავშირის ტექნიკური მხარდაჭერის პროექტის წარმომადგენელი - ვიტოლდ სარტორიუსი საგარეჯოს მუნიციპალიტეტს ეწვია, რათა ეხილა როგორ მიმდინარეობს საპილოტე რეგიონების ინტეგრირებული განვითარების პროგრამის (სრიგპ) ფარგლებში დაფინანსებული პროექტის განხორციელების პროცესი.

    საერთაშორისო თანამშრომლობის გაფართოების მიზნით, პოლონეთის ქალაქ ტარნობზრეგთან თანამშრომლობის შესახებ დაგეგმილი ვიზიტი სამწუხაროდ არ შედგა არსებული პანდემიის პირობების გამო. ამ ეტაპზე, ხელის შემშლელი ფაქტორებიდან გამომდინარე, საერთაშორისო მიმართულებით მუშაობა შეფერხებულია.

   გლობალურმა პრობლემამ ტურიზმის მიმართულებით, განყოფილების პროგრამით განსაზღვრული მიზნები და გეგმებიც შეცვალა, თუმცა ინფორმაციის ხელმისაწვდომობისა და ვირუსის საფრთხის თავიდან აცილების მიზნით, ვიზიტორების უსაფრთხოებისთვის დაიწყო აქტიური თანამშრომლობა სასტუმროებთან და კვების ობიექტებთან. საგარეჯოს მუნიციპალიტეტის მერიაში შეიქმნა შრომის ინსპექტირების მობილური ჯგუფი (ტურიზმის განყოფილების უფროსის ხელმძღვანელობით),  რომელიც ყველა რეგისტრირებულ ტურისტულ ობიექტს აწვდიდა შესაბამის რეკომენდაციებს ჯანდაცვისა და მთავრობის მითითებების მიხედვით, ასევე, ახორციელებს პერმანენტულ მონიტორინგს.

6. პირველადი სტრუქტურული ერთეულის ადმინისტრაციული და შესყიდვების სამსახური

ადმინისტრაციული სამსახური-მოქალაქეთა მომსახურებისა და საქმის წარმოების განყოფილება

საგარეჯოს მუნიციპალიტეტის მერიაში 2020 წლის 01 იანვრიდან 01 ნოემბრამდე სულ შემოსულია 10373 კორესპონდენცია, აქედან 4119 მოქალაქეთა განცხადებებია, სადაც ითხოვენ მედიკამენტების თანხით დახმარებას, სამკურნალო-საოპერაციო თანხებს, უმწეოთა თავშესაფარს, მრავალშვილიანი ოჯახების, მარტოხელა დედების დახმარებას, მოქალაქეთა ბინის ქირით უზრუნველყოფას, ავარიული და დაზიანებული სახლების შეკეთებას, მშენებლობა-ექსპლუატაციაში მიღების ნებართვას, ბინის პრივატიზებას.

საანგარიშო პერიოდში საჯარო რეესტრის ეროვნული სააგენტოდან შემოსულია

3442წერილი, რომლებიც ძირითადად სასოფლო-სამეურნეო დანიშნულების მიწის ნაკვეთის დარეგისტრირებას, მიწის ფართის იდენტურობის დადგენას და საკუთრების უფლების აღიარების კომისიიდან ინფორმაციის გამოთხოვას ეხება.

მთავრობის  ადმინისტრაციიდან  შემოსულია  33  წერილი,  გუბერნიიდან  -  215,

სხვადასხვა სამინისტროდან - 182.

საგარეჯოს მუნიციპალიტეტის მერიიდან სულ გასულია 5046 დოკუმენტი. მოქალაქეთა     მომსახურებისა     და     საქმიწარმოების     განყოფილების     მიერ

სისტემატურად ხორციელდება მუნიციპალიტეტის მერიის თანამშრომელთა პირადი საქმეების წარმოებაზე კონტროლი და მათ მიერ „საჯარო სამსახურის შესახებ“ კანონით დადგენილი დოკუმენტაციის   წარმოდგენის სისრულისა და შესაბამისობის შემოწმება.

მზადდება ტაბელების და შვებულების გრაფიკი, ასევე სამივლინებო მოწმობები. (სულ             252   სამივლინებო   მოწმობაა   გაცემული).   იწერება   საშვებულებო   და სამივლინებო ბრძანებები.