საგარეჯოში ეროვნული სამოსის დღე გაიმართა
დღეს, 18 მაისს საქართველოში ეროვნული სამოსის დღე აღინიშნება. ამ დღესთან დაკავშირებით, საგარეჯოს კულტურის ობიექტების გაერთიანების ინიციატივით 11:00 სთ–ზე, ქალაქ საგარეჯოს ცენტრალურ მოედანზე, ეროვნულ სამოსში გამოწყობილმა საჯარო სკოლების ქორეოგრაფიულმა ანსამბლებმა საზეიმო მსვლელობა მოაწყეს. მსვლელობა ქალაქ საგარეჯოს კულტურის სახლში გამართული კონცერტით დასრულდა. საქართველოს მასშტაბით ეროვნული სამოსის დღისადმი მიძღვნილი ღონისძიებები 30-მდე ქალაქში მიმდინარეობს. ღონისძიებას საგარეჯოს მუნიციპალიტეტის მერის პირველი მოადგილე ალექსი გილაშვილი და განათლების, კულტურის, ძეგლთა დაცვის, სპორტის და ახალგაზრდულ საქმეთა სამსახურის უფროსი არჩილ ჯაბადარი ადგილობრივი თვითმმართველობის სხვა წარმომადგენლებთან ერთად ესწრებოდნენ.