საგარეჯოს მუნიციპალიტეტის მერიის განათლების, კულტურის, ძეგლთა დაცვის, სპორტისა და ახლგაზრდულ საკითხთა სამსახურის ინიციატივით, ქ.საგარეჯოს ცენტრალურ სტადიონზე მოეწყო ყოველწლიური ტურნირის ფინალი “საგარეჯოს მუნიციპალიტეტის თასი 2018“მინი ფეხბურთში ადგილობრივ ორგანიზაცია-დაწესებულებებს შორის. Iადგილი- შპს „ტისკუპანის“ გუნდი. I Iადგილი- შპს „ევროპის“ გუნდი I I Iადგილი- საგანმანათლებლო რესურსცენტრის გუნდი. ასევე გამოვლინდა ტურნირის საუკეთესო ბომბარდირი-შპს ევროპის ფეხბურთელი გიორგი ჩეკურიშვილი და ტურნირის საუკეთესო ფეხბურთელი-მერიის გუნდის ფეხბურთელი გიორგი გოგოჭური.გამარჯვებულ გუნდებს თასი და ფულადი ჯილდო საგარეჯოს მუნიციპალიტეტის მერის მოადგილემ პაატა ასრათაშვილმა გადასცა. შეხვედრას საგარეჯოს მუნიციპალიტეტის მერის მოადგილე პაატა ასრათაშვილი,საქართველოს პარლამენტის წევრი-საგარეჯოს მაჟორიტარი დეპუტატი-რომან მუჩიაშვილი და ადგილობრივი თვითმმართველობის სხვა წარმომადგენლები ესწრებოდნენ.