საგარეჯოს მუნიციპალიტეტის მერის ინიციატივით, ჯანსაღი ცხოვრების წესის დამკვიდრების მიზნით, ადმინისტრაციულ ერთეულებში სპორტული სივრცეების მოწყობა გრძელდება.

სოფელ ხაშმში, ახალი მინი სტადიონის მშენებლობა დასკვნით ფაზაშია, რკინა-ბეტონის კონსტრუქციების მოწყობა დასრულებულია და დარჩენილი ხელოვნური საფარის დაგებისა და განათების სამუშაოები გრძელდება.

საგარეჯოს მუნიციპალიტეტის მერი-ავთანდილ გულიკაშვილი, პირველ მოადგილესთან - ემზარ კუჭუაშვილთან ერთად ადგილობრივ ახალგაზრდებს შეხვდა და მათ სურვილებსა და საჭიროებებს გაეცნო. თვითმმართველობის პირველ პირებს, აღნიშნული ინიციატივისთვის და დანაპირების შესრულებისთვის ბავშვებმა მადლობა გადაუხადეს და წარმატება უსურვეს.